Latest News

Latest News :

HSE PUBLIC EXAM - MARCH 2017 - STARTS ON 02.03.2017, SSLC PUBLIC EXAM - MARCH 2017 - STARTS ON 08.03.2017

Sunday, February 26, 2017

Higher Secondary March 2017 - Public Exam - Time Table

பள்ளிகளுக்கிடையிலான மாநில அளவிலான கால்பந்துப் போட்டியில் எல்.கே.மேனிலப்பள்ளி அணி சாம்பியன்!

பள்ளிகளுக்கிடையிலான - 17 வயதுக்குட்பட்ட மாணவர்களுக்கான - மாநில அளவிலான குடியரசு நாள் விழா கால்பந்துப் போட்டியில், எல்.கே.மேனிலைப் பள்ளி வெற்றிபெற்று, இந்திய தலைநகர் டெல்லியில் நடைபெறவுள்ள தேசிய அளவிலான கால்பந்துப் போட்டியில் விளையாடத் தகுதி பெற்றுள்ளது. விரிவான விபரம்:-

பள்ளிகளுக்கிடையிலான - 17 வயதுக்குட்பட்ட மாணவர்களுக்கான - தமிழ்நாடு மாநில அளவிலான கால்பந்துப் போட்டி, தேவகோட்டை டி ப்ரிட்டோ மேனிலைப் பள்ளி மைதானத்தில் நடைபெற்றது. இதில், மாநிலம் முழுவதிலுமிருந்து 18 பள்ளிகளின் அணிகள் பங்கேற்றன.

முதல் போட்டியில் காஞ்சிபுரம் வெள்ளையன் செட்டியார் மேனிலைப் பள்ளி அணியை எதிர்த்தாடிய எல்.கே.மேனிலைப் பள்ளி அணி, 4-0 என்ற கோல் கணக்கில் வெற்றிபெற்று, காலிறுதிக்குள் நுழைந்தது.

காலிறுதிப் போட்டியில், தஞ்சாவூர் டான் பாஸ்கோ பள்ளி அணியை எதிர்த்தாடி, 2-0 என்ற கோல் கணக்கில் எல்.கே.மேனிலைப் பள்ளி அணி வெற்றி பெற்று, அரையிறுதியில் விளையாடத் தகுதி பெற்றது.

அரையிறுதிப் போட்டியில், சேலம் லிட்டில் ஃப்ளவர் மேனிலைப் பள்ளி அணியுடன் மோதி, 3-0 என்ற கோல் கணக்கில் வெற்றிபெற்று, இறுதிப் போட்டிக்குள் நுழைந்தது.

இறுதிப் போட்டி 05.02.2017. ஞாயிற்றுக்கிழமையன்று நடைபெற்றது. இதில், கிருஷ்ணகிரி ஸ்போர்ட்ஸ் ஹாஸ்டல் அணியை எதிர்த்தாடிய எல்.கே.மேனிலைப் பள்ளி அணி, 2-0 என்ற கோல் கணக்கில் வெற்றி பெற்று, மாநில அளவில் முதலிடம் பெற்ற அணியாகத் தேர்வு பெற்றது.

இந்த வெற்றியின் மூலம், எல்.கே.மேனிலைப் பள்ளி அணி, இந்திய தலைநகர் டெல்லியில் நடைபெறும் - பள்ளிகளுக்கிடையிலான தேசிய அளவிலான சுப்ரடோ கோப்பை கால்பந்துப் போட்டியில் விளையாட, இரண்டாவது முறையாகத் தகுதி பெற்றுள்ளது.

17 வயதுக்குட்பட்ட பள்ளி மாணவர்களுக்கான மாநில அளவிலான கால்பந்துப் போட்டிகளில், காயல்பட்டினம் எல்.கே.மேனிலைப் பள்ளி அணி இதுவரை 5 முறை இறுதிப் போட்டிக்குத் தகுதி பெற்று, 2 முறை வெற்றியும் பெற்றுள்ளமை குறிப்பிடத்தக்கது.

06.02.2017. திங்கட்கிழமையன்று பள்ளியில் நடைபெற்ற மாணவர் ஒன்றுகூடலின்போது, இவ்வெற்றி குறித்த தகவல்கள் அனைத்து மாணவர்களுக்கும் பகிரப்பட்டு, பரிசுக் கோப்பைகள் பார்வைக்கு வைக்கப்பட்டது. அத்துடன், போட்டியில் பங்கேற்ற அனைத்து மாணவர்களும் இதன்போது பள்ளி நிர்வாகிகள், ஆசிரியர்கள், அலுவலர்களால் பாராட்டப்பட்டனர். 

Thanks :www.kayalpatnam.com

எல்.கே.மேனிலைப்பள்ளி பயின்றோர் பேரவை சார்பில், முன்னாள் மாணவர் ஒன்றுகூடல் நிகழ்ச்சி! பிரிவு (Batch) வாரியாக ஒருங்கிணைப்பாளர்கள் நியமனம்!!

எல்.கே.மேனிலைப்பள்ளி பயின்றோர் பேரவை சார்பில், நடத்தப்பட்ட முன்னாள் மாணவர் ஒன்றுகூடல் நிகழ்ச்சியில், பிரிவு (Batch) வாரியாக ஒருங்கிணைப்பாளர்கள் நியமிக்கப்பட்டுள்ளனர். விரிவான விபரம்:-

காயல்பட்டினம் எல்.கே. மேனிலைப் பள்ளியின் முன்னாள் மாணவர்களை ஒருங்கிணைத்து இயங்கும் பயின்றோர் பேரவை சார்பில், முன்னாள் மாணவர் ஒன்றுகூடல் சிறப்பு நிகழ்ச்சி, 31.12.2016. சனிக்கிழமையன்று 10:30 மணியளவில், பள்ளி வளாகத்தில், டீ.ஏ.எஸ்.முஹம்மத் அபூபக்கர் தலைமையில் நடைபெற்றது.



எம்.ஏ.காழி அலாவுத்தீன் (டீ.ஏ.எஸ்.) நிகழ்ச்சிகளை நெறிப்படுத்தினார். கிராஅத்தைத் தொடர்ந்து, பயின்றோர் பேரவை ஒருங்கிணைப்பாளர் எஸ்.ஏ.என்.அஹ்மத் மீராத்தம்பி வரவேற்புரையாற்றினார்.

கூட்டத் தலைவரின் தலைமையுரையைத் தொடர்ந்து, பேரவை ஒருங்கிணைப்பாளர் ஆசிரியர் எம்.ஏ.புகாரீ - கடந்த கூட்ட நிகழ்வறிக்கையை வாசித்து, அதன் மீதான நடவடிக்கைகள் குறித்து விளக்கிப் பேசினார்.

தொடர்ந்து நடைபெற்ற கருத்துப் பரிமாற்ற நிகழ்ச்சியில், ‘துணி’ அன்ஸாரீ, ஏ.எல்.முஹம்மத் நிஜார், எல்.கே.கே.லெப்பைத் தம்பி, உமர் குவைலித், எஸ்.ஐ.புகாரீ, எம்.எல்.ஃபிர்தவ்ஸ், டீ.ஏ.எஸ்.மீரா ஸாஹிப், செய்யித் இப்றாஹீம், மிஸ்கீன் ஸாஹிப், ‘துணி’ முஹம்மத் உமர், சந்திரசேகர், எம்.எம்.முஹம்மத் முஹ்யித்தீன் உள்ளிட்ட முன்னாள் மாணவர்கள் தமது கருத்துக்களையும், ஆலோசனைகளையும் வழங்கினர்.

>>> உலகெங்கும் பல்கிப் பரவி வாழும் - திருச்சி ஜமால் முஹம்மத் கல்லூரி மாணவர்கள் அவரவர் வசிப்பிடங்களில் முன்னாள் மாணவர் அமைப்பை சிறப்புற நடத்துவதைப் போல, இவ்வமைப்பை நடத்த வேண்டும்...

>>> படித்தோம், சென்றோம் என்றில்லாமல் - முன்னாள் மாணவர்களாகிய நமக்கு வாழ்வளித்த இப்பள்ளியின் மூலம் நாம் பலருக்கு வாழ்வளிக்க முன்வர வேண்டும்...

>>> கல்வியில் திறமையுள்ளோருக்கு மட்டுமின்றி, விளையாட்டுத் துறையில் திறமையுள்ளோருக்கும் வழிகாட்டி வாழ்வளித்துள்ளது இப்பள்ளிக்கூடம்...

>>> நீதி போதனைகள் அறவே நீர்த்துப் போய்விட்ட இக்காலகட்டத்தில், மாணவ சமுதாயம் மேம்பட வேண்டுமானால், மீண்டும் நீதி போதனை பாட வேளை உருவாக்கப்பட வேண்டும்... அதற்காக அரசிடம் வலுவாகக் கோரிக்கை வைக்க வேண்டும்...

>>> அனைத்து முன்னாள் மாணவர்களும் பங்கேற்கும் வகையில் வருடத்தில் ஒரு நாளை “பள்ளியின் முன்னாள் மாணவர் நாள்” என நிர்ணயித்து, எக்காலமும் அதே நாளில் ஒன்றுகூடலை நடத்திட முயற்சிக்க வேண்டும்...

>>> ஆன்ட்ராய்ட் கைபேசி வழியே மாணவர்களை இலகுவாக ஒருங்கிணைக்க சிறப்பு செயலி (Application) உருவாக்கப்பட வேண்டும்...

உள்ளிட்ட ஆலோசனைகளுடன், தாம் பயின்ற காலத்து நிகழ்வுகளையும் நினைவுகூர்வதாக அவர்களின் உரைகள் அமைந்திருந்தன. நிறைவில், பள்ளியின் அனைத்து முன்னாள் மாணவர்களையும் ஒருங்கிணைப்பதற்காக, பிரிவு (Batch) வாரியாக பொறுப்பாளர்கள் பின்வருமாறு நியமிக்கப்பட்டனர்:-

(01) 1947 - டீ.ஏ.எஸ்.முஹம்மத் அபூபக்கர்
(02) 1965 – ‘துணி’ முஹம்மத் உமர்
(03) 1976 - எஸ்.ஐ.புகாரீ
(04) 1977 - கே.எஸ்.முஹம்மத் ஷுஅய்ப் (Facebook)
(05) 2008 - ஷேக்னா லெப்பை
(06) 1989 – ‘துணி’ அன்ஸாரீ
(07) 1987 - ஏ.எல்.முஹம்மத் நிஜார்
(08) 1994 - எஸ்.கே.ஸாலிஹ், எம்.எல்.ஃபிர்தவ்ஸ்
(09) 1992 - செய்யித் இப்றாஹீம், எம்.பி.எஸ்.செய்யித் அஹ்மத்
(10) 2009 - நளீம்
(11) 2001 - ஜியாத்
(12) 1996 – எம்.ஏ.காழி அலாவுத்தீன் (டீ.ஏ.எஸ்.)
(13) 1997 - மீராத்தம்பி
(14) 1995 - செய்யித் ஹஸன்
(15) 2006 - மிஸ்கீன் ஸாஹிப்
(16) 2003 - ஜமால்

நன்றியுரையைத் தொடர்ந்து, துஆவுடன் கூட்டம் நிறைவுற்றது

Thanks : Kayalpatnam.com