Latest News

Latest News :

HSE PUBLIC EXAM - MARCH 2017 - STARTS ON 02.03.2017, SSLC PUBLIC EXAM - MARCH 2017 - STARTS ON 08.03.2017

Thursday, January 29, 2015

டெங்கு விழிப்புணர்வு நிகழ்ச்சி!

காயல்பட்டினம் நகராட்சி மற்றும் ஆரம்ப சுகாதார நிலையம் சார்பில், எல்.கே.மேனிலைப்பள்ளியில் டெங்கு காய்ச்சல் விழிப்புணர்வு நிகழ்ச்சி, இன்று காலை 10.30 மணியளவில், பள்ளி வளாகத்தில் நடைபெற்றது.



பள்ளி தலைமையாசிரியர் எம்.ஏ.எஃப்.செய்யித் அஹ்மத் அனைவரையும் வரவேற்று, நிகழ்ச்சி அறிமுகவுரையாற்றினார். காயல்பட்டினம் நகராட்சியின் சுகாதார ஆய்வாளர் எஸ்.பொன்வேல் ராஜ் நிகழ்ச்சிகளை நெறிப்படுத்தினார்.


காயல்பட்டினம் நகராட்சி ஆணையர் ம.காந்திராஜன், ஆரம்ப சுகாதார நிலைய ஆய்வாளர் ஜாஹிர், துணை ஆய்வாளர் சோமசுந்தரம், மருத்துவ அலுவலர் ப்ரியதர்ஷிணி ஆகியோர் டெங்கு காய்ச்சலின் தன்மை, அதைத் தடுப்பதற்கான வழிமுறைகள், இதில் மாணவர்களின் பொறுப்பு உள்ளிட்டவை குறித்து விழிப்புணர்வுரையாற்றினர்.






எல்.கே.மேனிலைப்பள்ளியின் உடற்கல்வி ஆசிரியர் வேலாயுதம், டெங்கு தடுப்பு உறுதிமொழியை முன்மொழிய, அனைவரும் வழிமொழிந்தனர்.





இந்நிகழ்ச்சியில், பள்ளியின் ஆசிரியர்கள், அலுவலர்கள், மாணவர்கள் திரளாகக் கலந்துகொண்டனர்.




நூற்றுக்கணக்கான மாணவர்களை இவ்வாறு ஓரிடத்தில் ஒருங்கிணைத்து விழிப்புணர்வு நிகழ்ச்சிகளை நடத்துவதால், ஒரே நாளில் பல நூற்றுக்கணக்கான வீடுகளுக்கு விழிப்புணர்வுச் செய்திகள் கிடைக்கும் என்ற எண்ணத்திலேயே இதுபோன்ற நிகழ்ச்சிகள் பள்ளிகளில் நடத்தப்படுவதாகவும், நகரின் அனைத்துப் பள்ளிகளிலும் அடுத்தடுத்து இந்நிகழ்ச்சியை நடத்திட திட்டம் உள்ளதாகவும், நகராட்சி சுகாதார ஆய்வாளர் எஸ்.பொன்வேல் ராஜ் காயல்பட்டணம்.காம் இடம் தெரிவித்தார். 

 நன்றி : காயல்பட்டணம்.காம்

Tuesday, January 27, 2015

குடியரசு தின விழா 2015

இந்தியாவின் 66ஆவது குடியரசு நாள் இன்று நாடெங்கும் கொண்டாடப்படுகிறது. இதனை முன்னிட்டு, காயல்பட்டினம் எல்.கே.மேனிலைப்பள்ளியில் இன்று காலை 09.00 மணியளவில் குடியரசு நாள் விழா கொண்டாடப்பட்டது.

பள்ளி மாணவர் ஹாஃபிழ் எஸ்.எச்.அலீ ஃபஹத் கிராஅத் ஓதினார். தமிழ்த்தாய் வாழ்த்தைத் தொடர்ந்து, பள்ளி தலைமையாசிரியர் எம்.ஏ.எஃப்.செய்யித் அஹ்மத் அனைவரையும் வரவேற்றுப் பேசினார்.

விழாவில், பள்ளியின் பெற்றோர் - ஆசிரியர் கழக செயலாளர் எஸ்.ஏ.அஹ்மத் முஸ்தஃபா முன்னிலை வகிக்க, தலைமை தாங்கிய பள்ளி துணைத்தலைவர் எஸ்.எம்.உஸைர் தேசிய கொடியேற்றி, வாழ்த்துரையாற்றினார். பின்னர் அனைவரும் தேசிய ஒருமைப்பாட்டு உறுதிமொழி எடுத்துக்கொண்டனர்.



பள்ளி பாடல் குழுவினரால், நாட்டுப்பற்றுப் பாடல்கள் மற்றும் பள்ளி நிறுவனர் எல்.கே. அவர்களின் நினைவுப் பாடல்கள் பாடப்பட்டன.


எல்.கே.துவக்கப்பள்ளியின் தலைமையாசிரியர் ஊமைத்துரை சாமுவேல் நன்றி கூற, நாட்டுப்பண்ணுடன் விழா நிறைவுற்றது. அரபி மொழி ஆசிரியர் ஜுபைர் அலீ பாக்கவீ நிகழ்ச்சிகளை நெறிப்படுத்தினார்.


இவ்விழாவில், பள்ளியின் சாதனை மாணவர்களுக்கு பாராட்டுச் சான்றிதழ்கள் வழங்கப்பட்டன.


விழா ஏற்பாடுகளை, பள்ளியின் ஆசிரியர்கள், அலுவலர்கள் மற்றும் மாணவர் பிரதிநிதிகள் செய்திருந்தனர். 

நன்றி : காயல்பட்டணம்.காம்








Thursday, January 1, 2015

எம்.பி.ஏ. பாடப்பிரிவில் காயல் மாணவி பல்கலை. அளவில் முதலிடம்! தமிழக ஆளுநர் ரோசய்யாவிடம் சான்றிதழ் பெற்றார்!!

‘காயல்பட்டினம் கல்வித்தந்தை’ என்றழைக்கப்படும் ஹாஜி எல்.கே.லெப்பைத்தம்பி அவர்களின் கொள்ளுப் பேத்தியும், ஐக்கிய விளையாட்டு சங்க முன்னாள் தலைவர் எல்.கனீ மற்றும் எல்.கே.மேனிலைப்பள்ளி தாளாளர் டாக்டர் எஸ்.எல்.முஹம்மத் லெப்பை ஆகியோரின் பேத்தியும், எல்.கே.மேனிலைப்பள்ளி நிர்வாகக் குழு உறுப்பினரும் - திருச்சி எல்.கே.எஸ்.ஜுவல்லர்ஸ் நிறுவன பங்குதாரருமான ஹாஜி எல்.கே.லெப்பைத்தம்பியின் மகளுமான - காயல்பட்டினம் குத்துக்கல் தெருவைச் சேர்ந்த மாணவி லெ.சமீரா, திருச்சி பிஷப் ஹீபர் கல்லூரியில் எம்.பி.ஏ. பாடப்பிரிவில் பயின்று தேர்வெழுதி, திருச்சி பாரதிதாசன் பல்கலைக் கழக அளவில் முதலிடம் பெற்று சாதனை புரிந்துள்ளார்.

இம்மாதம் 23ஆம் நாள் செவ்வாய்க்கிழமையன்று, பல்கலைக் கழகத்தின் 31ஆவது பட்டமளிப்பு விழா நடைபெற்றது. தமிழக உயர் கல்வித்துறை அமைச்சர் பி.பழனியப்பன் வழங்கினார். பல்கலைக் கழக நிதி நல்கைக் குழு துணைத்தலைவர் எச்.தேவராஜ் ஆகியோர் வாழ்த்துரையாற்றினர்.

விழாவிற்குத் தலைமை தாங்கிய தமிழக ஆளுநர் கே.ரோசய்யா, திருச்சி பாரதிதாசன் பல்கலைக் கழக அளவில் எம்.பி.ஏ. பாடப்பிரிவில் தரவரிசையில் முதலிடம் பெற்ற மாணவி லெ.சமீரா உட்பட – அனைத்து பாடப் பிரிவுகளிலும் தரவரிசையில் முன்னிலை பெற்ற மாணவ-மாணவியருக்கு பதக்கங்கள் மற்றும் சான்றிதழ்களை வழங்கினார்.










திருச்சி பாரதிதாசன் பல்கலைக் கழகத்தின் கீழ், தமிழகத்தின் 9 மாவட்டங்களைச் சேர்ந்த 68 கல்லூரிகள் இடம்பெறுகின்றன. அவ்வனைத்து கல்லூரிகளும் முதல் தரவரிசை பெற்ற மாணவ-மாணவியருள் - மாணவி லெ.சமீரா முதலிடம் பெற்றுள்ளமை குறிப்பிடத்தக்கது. 

நன்றி: காயல்பட்டணம்.காம்