Latest News

Latest News :

HSE PUBLIC EXAM - MARCH 2017 - STARTS ON 02.03.2017, SSLC PUBLIC EXAM - MARCH 2017 - STARTS ON 08.03.2017

Tuesday, December 20, 2016

+2 Computer Science App Download


 A quiz based application for 
Tamilnadu State Board 12th Standard  Computer Science (EM) syllabus Android App  named
(Download from the above link)

App Features:

  • This is totally “Offline” app. That means it doesn't need internet connection to work.
    It covers 12th English Medium Computer Science Multiple Choice Questions
  • Chapter wise questions have been included from the  Computer Science Books. 
  • Students can select a topic from the list.
  • Correct answers are indicated by "Correct" and wrong answers are indicated by "Wrong".

This Plus2 Comp App Created by 

 Mr. S.B.B. SEYED AHAMED BUHARI 
Computer Instructor, 
L.K. Hr. Sec. School, 
Kayalpatnam.

If any feedback - please mail to me - buharee4u@gmail.com

“நடப்பது என்ன?” சமூக ஊடகக் குழும ஒருங்கிணைப்பில், எல்.கே.மேனிலைப்பள்ளியின் NCC மாணவர்கள் தூய்மை விழிப்புணர்வு முகாம்!

காயல்பட்டினம் கடற்கரைக்கு வரும் பொதுமக்கள், அங்கு தின்பண்டங்களை உட்கொண்ட பின், அவற்றின் கழிவுகளையும், காகிதக் கோப்பை உள்ளிட்ட கழிவுப் பொருட்களையும் இருந்த இடத்திலேயே போட்டுவிட்டு, மணற்பரப்பை அசுத்தப்படுத்திச் செல்வது வாடிக்கை.

இக்குறையைப் போக்கி, பொதுமக்களுக்கு தூய்மை விழிப்புணர்வை ஏற்படுத்தும் நோக்குடன், “நடப்பது என்ன?” சமூக ஊடகக் குழுமம் சார்பில், காயல்பட்டினம் நகராட்சியுடன் இணைந்து கடற்கரையில் “தூய்மை விழிப்புணர்வு முகாம்” நடத்துவதென அதன் நிர்வாகக் குழுவால் திட்டமிடப்பட்டு, கடற்கரையில் மக்கள் திரள் எதிர்பார்க்கப்படும் நாட்களில் முகாம்களும் நடத்தப்பட்டு வருகிறது.

அந்த வரிசையில், 17.12.2016. சனிக்கிழமையன்றும், நேற்றும் (18.12.2016. ஞாயிற்றுக்கிழமை) கடற்கரையில் தூய்மை விழிப்புணர்வு முகாம் நடத்தப்பட்டது. முதல் நாள் முகாமில் “நடப்பது என்ன?” சமூக ஊடகக் குழுமத்தின் ஆலோசகர்கள், அங்கத்தினர், நிர்வாகிகள் கலந்துகொண்டனர்.

நேற்று, “நடப்பது என்ன?” சமூக ஊடகக் குழும ஒருங்கிணைப்பில், காயல்பட்டினம் எல்.கே.மேனிலைப்பள்ளியின் தேசிய மாணவர் படைப் பிரிவின் தூய்மை விழிப்புணர்வு முகாம் கடற்கரையில் நடைபெற்றது.

துவக்கமாக, குழுமத்தினருடன் மாணவர்கள் தங்களை அறிமுகம் செய்துகொள்ள, கடற்கரையில் மேற்கொள்ளப்பட வேண்டிய தூய்மை விழிப்புணர்வு செயல்பாடுகள் குறித்து, தேசிய மாணவர் படை பயிற்றுனர் ‘ஆசிரியர்’ காமில், “நடப்பது என்ன?” சமூக ஊடகக் குழும நிர்வாகி எஸ்.கே.ஸாலிஹ் ஆகியோர் - தேசிய மாணவர் படை வீரர்களுக்கு அறிவுரை வழங்கினர். தொடர்ந்து, வீரர்கள் அடையாள அணிவகுப்பு நடத்தி, முகாம் நடவடிக்கைகளைத் துவக்கினர்.







வீரர்களுள் ஒரு பிரிவினர், இருசக்கர - நாற்சக்கர வாகனங்களில் வந்தோரிடம் வாகனங்களை ஓரமாகவும், வரிசையாகவும் நிறுத்துமாறும், நுழைவாயிலை மறைத்து நிறுத்த வேண்டாம் எனவும் கேட்டுக்கொண்டதற்கிணங்க, அவர்கள் அதற்கு ஒத்துழைப்பளித்தனர்.



ஒருபுறம் ஒலிபெருக்கி வழியே தூய்மை விழிப்புணர்வு அறிவுரைகள் பொதுமக்களுக்கு ஒலிபரப்பாகிக் கொண்டிருக்க, மறுபுறத்தில் தேசிய மாணவர் படையினர் - கடற்கரைக்கு வந்த பொதுமக்களுக்கு காகித உறைகளை வழங்கி, குப்பைகளை அவற்றில் சேகரித்து வைத்துக்கொண்டு, வீடு திரும்புகையில் கடற்கரை நுழைவாயிலில் காயல்பட்டினம் நகராட்சியால் வைக்கப்பட்டுள்ள குப்பைத் தொட்டியில் அவற்றைப் போட்டுச் செல்லுமாறும், இனி வருங்காலங்களில் குப்பைகளுக்கென ஒரு காகிதப் பையைக் கொண்டு வருவதை வழமையாக்கிக் கொள்ளுமாறும் கேட்டுக்கொண்டனர்.







இதனால் மனமகிழ்ந்த சமூக ஆர்வலர்கள் பலர் தேசிய மாணவர் படையின் இளம் மாணவர்களை மனதார வாழ்த்தியதுடன், முழு ஒத்துழைப்பு வழங்குவதாகக் கூறிச் சென்றனர்.









கடற்கரையின் உள்ளே ஆங்காங்கே அமர்ந்திருந்த பொதுமக்களிடையே - குறு ஒலிபெருக்கி மூலம் தேசிய மாணவர் படை வீரர்கள் விழிப்புணர்வு பரப்புரைகளைச் செய்தனர்.



19:30 மணியளவில் முகாமை நிறைவுபடுத்தும் வகையில், சிறப்பு அமர்வு நடைபெற்றது. “நடப்பது என்ன?” சமூக ஊடகக் குழும நிர்வாகி எம்.டபிள்யு.ஹாமித் ரிஃபாய் நிறைவுரையாற்றினார்.



முகாமில் சிறப்புற பங்காற்றியமைக்காக எல்.கே.மேனிலைப்பள்ளியின் தேசிய மாணவர் படையினருக்கும், அதற்கு அனுமதியளித்த - பள்ளியின் நிர்வாகிகள் - தலைமையாசிரியருக்கும், அழைத்து வந்து முழு ஒத்துழைப்பளித்த பயிற்றுநருக்கும், நன்றி கூறி தனதுரையைத் துவக்கி அவர், கடற்கரையில் பொதுமக்களுக்கு உள்ள உரிமைகளையும், கடமைகளையும், எதிர்பார்க்கப்படும் ஒத்துழைப்புகளையும் விளக்கிப் பேசியதுடன், இது தொடர்பாக “நடப்பது என்ன?” சமூக ஊடகக் குழுமம் மேற்கொண்டு வரும் நடவடிக்கைகள், நகர்நலன் காக்க குழுமத்தால் மேற்கொள்ளப்பட்டு வரும் இதர செயல்திட்டங்கள் குறித்தும் விளக்கினார்.



இனி வருங்காலங்களில் கடற்கரையில் மக்கள் திரள் எதிர்பார்க்கப்படும் பண்டிகை நாட்கள், தேவைப்படும்போது வார விடுமுறை நாட்களில் - குழுமத்தின் தூய்மை விழிப்புணர்வு முகாம்கள் தொடர்ந்து நடத்தப்படும் என அவர் குழுமத்தின் சார்பில் அறிவித்தார்.





தம் வேண்டுகோளை மதித்து, தமது குப்பைகளைப் பொறுப்புடன் காகிதப் பைகளில் இட்டு, குப்பைத் தொட்டியில் போட்டுச் சென்றமைக்காக, “நடப்பது என்ன?” சமூக ஊடகக் குழுமத்தினர் பொதுமக்களுக்கு நன்றி தெரிவித்தனர். கடற்கரை துப்புரவுப் பணிக்கு ஒத்துழைப்பு கோரி - அங்கிருந்த தின்பண்ட வணிகர்களிடமும் குழுவினர் வேண்டுகோள் வைத்து அவர் உரையை நிறைவு செய்தார். நிறைவில், அனைவருக்கும் சிற்றுண்டி வழங்கி உபசரிக்கப்பட்டது.



முகாம் ஏற்பாடுகளை, “நடப்பது என்ன?” சமூக ஊடகக் குழுமத்தின் ஆலோசகர்களும், அங்கத்தினருமான - எஸ்.ஏ.முகைதீன், எஸ்.அப்துல் வாஹித், பீ.எம்.ஏ.ஸதக்கத்துல்லாஹ், எம்.ஏ.புகாரீ, ‘மெகா’ நூஹ், ஏ.எஸ்.புகாரீ, ‘தமிழன்’ முத்து இஸ்மாஈல், ஹாஃபிழ் எஃப்.ஷெய்க் ஸலாஹுத்தீன், ‘நெட்காம்’ புகாரீ, எஸ்.ஏ.முஹம்மத் நூஹ், சாளை நவாஸ், எம்.எஸ்.முஹம்மத் ஸாலிஹ், அப்துல் அஜீஸ், எம்.எம்.முஜாஹித் அலீ, எம்.என்.அஹ்மத் ஸாஹிப் உள்ளிட்டோர் செய்திருந்தனர்.
Thanks : Kayalpatnam.com



Sunday, October 23, 2016

நாட்டு நலப்பணித் திட்ட கிராம சீரமைப்பு முகாம்!

காயல்பட்டினம் எல்.கே.மேனிலைப்பள்ளியின் நாட்டு நலப்பணித் திட்டப் பிரிவின் சார்பில், நாட்டு நலப்பணித் திட்ட கிராம சீரமைப்பு முகாம் ஒரு வார காலமாக நடத்தி முடிக்கப்பட்டுள்ளது. விபரம் வருமாறு:-

எல்.கே.மேனிலைப்பள்ளியின் நாட்டு நலப்பணித் திட்ட கிராம சீரமைப்பு முகாம், சுலைமான் நகர் – தேங்காய் பண்டக சாலையிலுள்ள அல்அமீன் நர்ஸரி & துவக்கப் பள்ளி வளாகத்தில், 23.06.2016. வெள்ளிக்கிழமையன்று 17.00 மணிக்குத் துவங்கியது.



எஸ்.ஓ.அபுல் ஹஸன் கலாமீ தலைமை தாங்கி, தலைமையுரையாற்றினார். முன்னிலை வகித்த - எல்.கே.மேனிலைப் பள்ளியின் தலைமையாசிரியர் எம்.ஏ.எஃப்.செய்யித் அஹ்மத் அறிமுகவுரையாற்றினார். ஆசிரியர் எம்.முஹம்மத் ஹுஸைன் அனைவரையும் வரவேற்றுப் பேசினார்.





நாட்டு நலப்பணித் திட்ட விளக்கத்தை, பள்ளியின் நாட்டு நலப்பணித் திட்ட (NSS) அலுவலரும் - முதுகலை ஆசிரியருமான ஏ.முஹம்மத் சித்தீக் சமர்ப்பித்தார். ஆசிரியர் ஆனந்தக் கூத்தன் முகாமைத் துவக்கி வைத்துப் பேசினார்.

அல்அமீன் பள்ளியின் முதல்வரும், தாளாளருமான எம்.ஏ.புகாரீ, அதன் தலைமையாசிரியை ஃபாத்திமா ஆஃப்ரீன், எல்.கே.மேனிலைப் பள்ளியின் உதவி தலைமையாசிரியர்கள் செய்யித் முகைதீன், சிதம்பரம், ஆசிரியர் சதக்கத்துல்லாஹ், அப்பகுதி நகர்மன்ற உறுப்பினர் எம்.எம்.டீ.பீவி ஃபாத்திமா ஆகியோர் வாழ்த்துரையாற்றினர். ஆசிரியர் செய்யித் ரஃபீக் நன்றியுரையுடன் துவக்க நிகழ்ச்சிகள் நிறைவுற்று, 24.09.2016. முதல் முகாம் பணிகள் முறைப்படி துவங்கின.

நாட்டு நலப்பணித் திட்ட மாணவர்கள் - முகாமுக்கு உட்பட்ட வீடுகள்தோறும் சென்று, அவர்களின் பொருளாதார நிலை குறித்து புள்ளிவிபரங்களைச் சேகரித்தனர். தொடர்ந்து, அப்பகுதியில் வளர்ந்திருந்த முட்புதர்களை வெட்டியகற்றினர்.





தொடர்ந்து நடைபெற்ற கல்வி - மத நல்லிணக்கப் பேரணியில் பள்ளியின் நாட்டு நலப்பணித் திட்ட மாணவர்கள், அல்அமீன் பள்ளியின் மாணவ-மாணவியர், இரு பள்ளிகளின் ஆசிரியர்கள், முதல்வர்கள் கலந்துகொண்டனர்.



நீரழிவு நோய், இரத்த சர்க்கரை அளவைக் கண்டறியும் இலவச முகாம்கள் நடத்தப்பட்டன. இம்முகாமை டாக்டர் முஹம்மத் இத்ரீஸ் துவக்கி வைத்து விளக்கிப் பேசியதுடன், பயனாளிகளின் சந்தேகங்களுக்கும் விளக்கமளித்தார்.





இம்முகாமை, மருத்துவர் அப்துல் ஹக் வழிநடத்தி, இரத்த சர்க்கரை அளவைக் கண்டறிந்து, பயனாளிகளுக்கு மருத்துவ ஆலோசனை வழங்கினார்.



பின்னர், கிராம விளையாட்டுப் போட்டி நடத்தப்பட்டது. எல்.கே.மேனிலைப்பள்ளியின் உடற்கல்வி ஆசிரியர் இஸ்மாஈல், அல்அமீன் பள்ளியின் ஆசிரியர்கள் இணைந்து இப்போட்டியை நடத்தி, பரிசுக்குரிய மாணவ-மாணவியரைத் தேர்ந்தெடுத்தனர்.









முகாம் நிறைவு விழா, 29.09.2016. வியாழக்கிழமையன்று 17.00 மணிக்கு அல்அமீன் பள்ளி வளாகத்தில் நடைபெற்றது. எல்.கே.மேனிலைப்பள்ளியின் தலைமையாசிரியர் எம்.ஏ.எஃப்.செய்யித் அஹ்மத் வரவேற்றுப் பேசினார்.

அல்அமீன் பள்ளியின் முதல்வர் எம்.ஏ.புகாரீ, தலைமையாசிரியை ஃபாத்திமா ஆஃப்ரீன், எல்.கே.பள்ளியின் உதவி தலைமையாசிரியர் சிதம்பரம், ஆசிரியர்கள் சதக்கத்துல்லாஹ், ஆனந்தக் கூத்தன் ஆகியோர் வாழ்த்துரைகளை வழங்கி, வாழ்த்துப் பாடல்களும் பாடினர்.

விளையாட்டில் வென்ற மாணவ-மாணவியர், நாட்டு நலப்பணித் திட்ட மாணவர்களுக்கு இதன்போது பரிசுகள் வழங்கப்பட்டன.

முகாம் மாணவர்கள் தங்குவதற்கு இடவசதி, குடிநீர் உள்ளிட்ட வசதிகள் அல்அமீன் பள்ளியின் சார்பில் வழங்கப்பட்டது. இதற்காக அப்பள்ளிக்கு எல்.கே. பள்ளியின் நாட்டு நலப்பணித் திட்டப் பிரிவின் சார்பில் நினைவுப் பரிசு வழங்கப்பட்டது.

எல்.கே. பள்ளியின் நாட்டு நலப்பணித் திட்ட அலுவலரும், முதுகலை ஆசிரியருமான ஏ.முஹம்மத் சித்தீக் நன்றி கூறினார்.

இவ்விழாவில், இரு பள்ளிகளின் ஆசிரியர்கள், மாணவ-மாணவியர், பகுதி பொதுமக்கள் திரளாகக் கலந்துகொண்டனர்.
Thanks : Kayalpatnam.com

திருச்சியில் நடைபெற்ற மாநில அளவிலான கால்பந்துப் போட்டியில் எல்.கே.மேனிலைப்பள்ளி அணி சாம்பியன்!


திருச்சியில் நடைபெற்ற - பள்ளி மாணவர்களுக்கான மாநில அளவிலான கால்பந்துப் போட்டியில், காயல்பட்டினம் எல்.கே.மேனிலைப்பள்ளி அணி இறுதிப்போட்டியில் வென்று சாம்பியன் பட்டத்தைத் தக்க வைத்துள்ளது. விரிவான விபரம் வருமாறு:-

திருச்சி சாம்பியன் ஆங்கிலோ இந்தியன் மேனிலைப்பள்ளி ஏற்பாட்டில், தமிழ்நாடு மாநில அளவில் பல்வேறு போட்டிகள் நடத்தப்பட்டுள்ளது. அவ்வரிசையில் நடத்தப்பட்ட - மாநில அளவிலான கால்பந்துப் போட்டியில் காயல்பட்டினம் எல்.கே.மேனிலைப்பள்ளி அணியும் பங்கேற்றது.

முதல் சுற்றுப்போட்டியில், திருச்சி பாய்லர் ப்ளாண்ட் மேனிலைப்பள்ளியை எதிர்த்தாடிய எல்.கே.மேனிலைப்பள்ளி அணி, 4-1 என்ற கோல் கணக்கில் வென்று, அரையிறுதிக்குத் தகுதி பெற்றது. அரையிறுதிப் போட்டியில், திருச்சி ஆர்.எஸ்.கிருஷ்ணன் மேனிலைப்பள்ளி அணியை 2-1 என்ற கோல் கணக்கில் வென்று இறுதிப்போட்டிக்குத் தகுதிபெற்றது.

நேற்று (22.10.2016. சனிக்கிழமை) 16.30 மணியளவில் நடைபெற்ற இறுதிப் போட்டியில் - இப்போட்டியை நடத்திய திருச்சி சாம்பியன் ஆங்கிலோ இந்தியன் மெட்ரிகுலேஷன் மேனிலைப்பள்ளி அணியை, எதிர்த்தாடி, 1-0 என்ற கோல் கணக்கில் வெற்றிபெற்று, மாநில அளவில் முதலிடம் பெற்று, சாம்பியன் கோப்பையைத் தக்கவைத்தது.


எல்.கே.மேனிலைப்பள்ளி அணிக்கு பயிற்சியாளராக, பள்ளியின் உடற்கல்வி ஆசிரியர் ஜமால் உடன் சென்றிருந்தார்.

திருச்சி சென்ற அணியினரை, அங்கு - பள்ளியின் நிர்வாகக் குழு உறுப்பினர்களான டீ.ஏ.எஸ்.உவைஸ், எல்.கே.கனீ, எல்.கே.லெப்பைத்தம்பி ஆகியோரும், பள்ளியின் முன்னாள் மாணவர்களான யு.நவ்ஃபல், எம்.ஏ.காழி அலாவுத்தீன் (டீ.ஏ.எஸ்.), திருச்சி ஜமால் முஹம்மத் கலை & அறிவியல் கல்லூரியில் பயிலும் - எல்.கே.மேனிலைப்பள்ளியின் முன்னாள் மாணவர்களும் இறுதிப் போட்டியைக் கண்டுகளித்து, எல்.கே.மேனிலைப்பள்ளி அணியை உற்சாகப்படுத்தினர்.
Thanks : kayalpatnam.com





Wednesday, October 12, 2016

பெற்றோர் ஆசிரியர் கூட்டம்



 
எல்.கே.மேல்நிலைப்பள்ளியில், இன்ஷா அல்லாஹ் நாளை 13.10.2016 வியாழக்கிழமை மாலை 5.00 மணிக்கு இக்கல்வியாண்டில் (2016-2017) 10ம் வகுப்பு மற்றும் 12ம் வகுப்பு பயிலும் மாணவர்களின் பெற்றோர்களுக்கு 'பெற்றோர் – ஆசிரியர் கூட்டம்' நடைபெற இருக்கிறது. எனவே அனைத்து பெற்றோர்களும் இக்கூட்டத்தில் தவறாது கலந்துக் கொள்ளும்படி கேட்டுக் கொள்கிறேன்

இவண்,
தலைமையாசிரியர்
எல்.கே.மேல்நிலைப்பள்ளி,
காயல்பட்டணம்

Thursday, March 10, 2016

எல்.கே.மேனிலைப்பள்ளி பயின்றோர் பேரவைக்கு தற்காலிக நிர்வாகக் குழு நியமனம்! ஏழை மாணவர் இலவச சீருடைக்கு அனுசரணை எதிர்பார்ப்பு!!

 காயல்பட்டினம் எல்.கே.மேனிலைப்பள்ளி பயின்றோர் பேரவைக்கு தற்காலிகமாக நிர்வாகக் குழு நியமிக்கப்பட்டுள்ளதோடு, பள்ளியில் பயிலும் ஏழை மாணவர்களுக்கு இலவச சீருடைகளை பேரவையின் சார்பில் வழங்கத் தீர்மானிக்கப்பட்டு, அதற்கான அனுசரணையும் எதிர்பார்க்கப்படுவதாகத் தெரிவிக்கப்பட்டுள்ளது. இதுகுறித்து வெளியிடப்பட்டுள்ள செய்தியறிக்கை:-

காயல்பட்டினம் எல் கே மேனிலைப் பள்ளி வளாகத்தில், 03.03.2016 வியாழக் கிழமை 11 மணியளவில் ,ஹாஜி லேண்ட்மார்க் ராவன்னா அபுல் ஹசன் அவர்கள் தலைமையில், ஜனாப் காயல் S.E. அமானுல்லாஹ் அவர்கள் முன்னிலையில் பயின்றோர் பேரவையின் ஆலோசனைக் கூட்டம் நடைபெற்றது.




ஆசிரயர் புஹாரி அவர்கள் இறைமறை ஓதி . வருகைப் புரிந்தோரை வரவேற்று கூட்டத்தைத் துவக்கி வைத்தார். இக்கூட்டத்தில், பயின்றோர் பேரவையின் இதுநாள் வரையிலான உறுப்பினர் நுழைவுக் கட்டணம் மற்றும் நன்கொடைகளை உள்ளடக்கிய வரவு செலவு கணக்கு தாக்கல் செய்யப்பட்டு அங்கீகரிக்கப்பட்டது.

2015ஆம் ஆண்டு டிசம்பர் மாதம் நடைபெற்ற பேரவை துவக்கக் கூட்டத்தில் பரிந்துரை செய்யப்பட்டதின் அடிப்படையில் தற்காலிக நிர்வாகக் குழு இக்கூட்டத்தில் தேர்வு செய்யப்பட்டது தற்காலிக நிர்வாகக் குழு

தலைவர்:
ஹாஜி லேண்ட்மார்க் ராவன்னா அபுல் ஹசன்

துணைத்தலைவர்கள்:
திரு P. ராஜா ராம் மோகன் ராய்
ஜனாப் M.L. ஹாரூன் ரஷீத்

செயலாளர்: ஹாஜி M.A. புஹாரி

துணை செயலாளர்கள்:
ஜனாப் A.S. புஹாரி
ஜனாப் காழி அல்லாவுதீன்

பொருளாளர்:
ஜனாப் S.A.N. அஹமது மீரா தம்பி

நிர்வாகக் குழு உறுப்பினர்கள்:

ஜனாப் காயல் S.E. அமானுல்லாஹ்
ஜனாப் J.A. லரீப்
ஜனாப் M. சதக் இபுராஹீம்
ஜனாப் L.T.S. சித்திக்
ஜனாப் நௌபல்

நிறைவேற்றப்பட்ட தீர்மானங்கள்

1. பேரவையின் வருடாந்திரக் கூட்டத்தை எதிர்வரும் மே மாதத்தில் கூட்டுவது எனத் தீர்மானிக்கப்பட்டது

2. இதுவரை L.K பயின்றோர் பேரவையில் உறுப்பினராகாத பள்ளியின் முன்னாள் மாணவர்களை உறுப்பினர்களாக சேர்க்க தீவிர முயற்சி எடுப்பது எனத் தீர்மானிக்கப்பட்டது

3. வருகிற கல்வி ஆண்டு முதல், பத்தாம் வகுப்பு மற்றும் பன்னிரெண்டாம் வகுப்பு அரசுப் பொதுத் தேர்வில் முதல் மூன்று இடங்களைப் பெறுகிற எல்.கே பள்ளி மாணவர்களை உற்சாகமூட்டும் வகையில் அவர்களுக்கு ஊக்கத் தொகையினை வழங்குவது எனத் தீர்மானிக்கப்பட்டது

4. வருகிற கல்வியாண்டு முதல் , எல் கே பள்ளியின் சீருடை மாற இருக்கிற சூழலில் , பொருளாதாரத்தில் பின்தங்கி இருக்கிற பள்ளி மாணவர்களுக்கு இலவச சீருடை வழங்குவது எனத் தீர்மானிக்கப்பட்டது

இலவச சீருடை குறித்து தற்காலிக நிர்வாகக் குழுவின் தலைவர் ஹாஜி லேண்ட்மார்க் அபுல் ஹசன் அவர்கள் விடுத்துள்ள வேண்டுகோள்:

எல் கே பள்ளியில் பயின்ற முன்னாள் மாணவர்களுக்கு அஸ்ஸலாமு அழைக்கும் வரஹ்மத்துல்லாஹி வ பரக்காத்துஹு

நமது பள்ளி பயின்றோர் பேரவை , இறையருளால் உதயமாகி , பள்ளிக்கும் , பயிலும் மாணவர் சமுதாயத்தினருக்கும் தனது சேவையை துவங்கித் தொடர ஆயத்தமாகிவிட்டது, அல்ஹம்துலில்லாஹ் .

இந்நிலையில், நமது பள்ளியில் எண்ணற்ற மாணவர்கள் தங்களது குடும்ப சூழலின் காரணமாக சீருடைகளுக்கான செலவினை சந்திக்க சிரமப்படுகின்றனர்.

மேலும், எதிர்வரும் கல்வியாண்டு முதல் நமது பள்ளியில் சீருடை மாற இருக்கிற சூழலில் , எளிய மாணவர்களுக்கு புதிய சீருடைக்கான செலவு சிரமத்தையே உருவாக்கும் என்பதில் ஐயமில்லை.

இச்சூழ்நிலையை கருத்தில் கொண்டு எளிய மாணவர்களுக்கு பேரவையின் மூலம் சீருடைகளை வழங்குவது என்று தீர்மானித்திருக்கிறோம் .

ஒரு மாணவனுக்கு இரண்டு செட் சீருடைக்கு தையல் கூலியுடன் ஆகும் செலவு ருபாய் 1200 ஆகும்.சுமார் எளிய மாணவர்களுக்கு சீருடை உதவி தேவைப் படுகிறது.

எனவே, நமது பள்ளியில் பயின்ற வசதியுள்ள முன்னாள் மாணவர்கள் ,இப்போது பயிலும் எளிய மாணவர்களுக்கான இந்த உதவியை செய்ய முன்வருமாறு நிர்வாகக் குழுவின் சார்பில் வேண்டுகிறேன்.

முன்னாள் மாணவர்கள் தங்களால் முடிந்த அளவு மாணவர்களின் எண்ணிக்கைக்கு பொறுப்பு ஏற்குமாறு கேட்டுக் கொள்கிறேன். அதாவது ஒரு முன்னாள் மாணவர் , எத்தனை மாணவர்களுக்கான சீருடைக்குரிய செலவினை ஏற்க முன் வருகிறீர்களோ, அந்த எண்ணிக்கையை பொறுப்பாளர்களிடம் தெரிவிக்குமாறு வேண்டுகிறேன் .

எல்லாம் வல்ல இறைவன் நம் நன்நோக்கங்களை நிறைவேற்றி அருள்வானாக . வஸ்ஸலாம்

சீருடை பொறுப்பாளர்கள்

ஹாஜி லேண்ட்மார்க் ராவன்னா அபுல்ஹசன் (9789791204)
ஆசிரியர் M.A. புஹாரி ( 9842789817)
ஆசிரியர் S.A.N. அஹ்மத் மீரா தம்பி ( 9487775765 - meerathamby@gmail.com)


இவ்வாறு அந்த அறிக்கையில் தெரிவிக்கப்பட்டுள்ளது.

நன்றி : காயல்பட்டணம்.காம்

ப்ளஸ் 2 அரசுத்தேர்வு: எல்.கே.மேனிலைப்பள்ளி தேர்வு மையத்தில் 280 மாணவ-மாணவியர் தேர்வெழுதுகின்றனர்!

தமிழகத்தில் பன்னிரண்டாம் வகுப்பு அரசுப் பொதுத் தேர்வுகள் 04.03.2016. அன்று துவங்கின. காயல்பட்டினத்தில் எல்.கே.மேனிலைப்பள்ளி, அரசு மகளிர் மேனிலைப்பள்ளி ஆகிய இரண்டு தேர்வு மையங்களில் மாணவ-மாணவியர் தேர்வெழுதி வருகின்றனர்.

எல்.கே.மேனிலைப்பள்ளி தேர்வு மையத்தில்,
எல்.கே.மேனிலைப்பள்ளியிலிருந்து 158 மாணவர்கள்,
சென்ட்ரல் மேனிலைப்பள்ளியிலிருந்து 67 மாணவர்கள்,
எல்.கே.மெட்ரிகுலேஷன் மேனிலைப்பள்ளியிலிருந்து 31 மாணவியர்,
முஹ்யித்தீன் மெட்ரிகுலேஷன் மேனிலைப்பள்ளியிலிருந்து 24 மாணவ-மாணவியர்
தேர்வெழுதுகின்றனர்.









முதல் தேர்வு நாளான 04.03.2016. அன்று, எல்.கே.மேனிலைப்பள்ளி நிர்வாகத்தின் சார்பில், அப்பள்ளி மாணவர்கள் நன்முறையில் தேர்வெழுதுவதற்கு ஊக்கப்படுத்திடுவதற்காக, பிரார்த்தனைக் கூட்டம் நடத்தப்பட்டது. பள்ளி தாளாளர் டாக்டர் முஹம்மத் லெப்பை, துணைத்தலைவர் எஸ்.எம்.உஸைர், பணி நிறைவு பெற்ற ஆசிரியர் எம்.ஏ.புகாரீ, ஆசிரியர் ஆனந்தக்கூத்தன், வாழ்த்துரையாற்றினார்.







துவக்கத் தேர்வை முன்னிட்டு, எல்.கே.மேனிலைப்பள்ளி தேர்வு மையத்தில் தேர்வெழுதும் அனைத்து மாணவர்களையும் அவர்களது பெற்றோர் பள்ளி வரை சென்று வாழ்த்தி, வழியனுப்பினர்.


































நன்றி : காயல்பட்டணம்.காம்